Tutan Fundraising kan tuah mi hi Chin Community of Canada (CCC) nih host mi asi. Naite ah khan CCC Youth Director asimi Mawite le Kim Kim kha India le Burma ramri, Victoria Camp timi pawl ah an va kal i kan Chin miphun; abik in ralzaam tampi an va ton hna. An mah miharsa hna bomhnak hi pehtlai in CCC nih țuan ve usih ti kan duh. Abik in Canada um mi kan Chin mino hna lak ah hi kong hi an lung lut lak in chimh khawh hna kha CCC mino nih an i tinh mi a si.
Cucaah mah Fundraising in achuak mi phaisa hi adihlak in Chin Community of Canada -CCC ah alut lai i CCC Relief Fund timi min put in hman asi lai. Abik in Chin miphun miharsa paoh paoh bomhnak ah Youth Department nih proposal an tuah ning in hman tinh mi a si. Ral ruang ah kutke tlamtling ti lomi hna, ralzaam hna, cun ralzaam hngakchia hna education fund ti bantuk ah si khawh tawk in CCC min in i tel ve kha kan duh ruang ah tuah mi Fundraising a si. Chinland Council, Chin Brotherhood, CNF ti bantuk caah Specific in tuah piak mi hna Fundraising a si lo. Chin Community of Canada (CCC) nih kan ram Chin miphun miharsa vialte caah bomhnak ti khawh tawk thawh ve ding in tuah mi asi.Zapi in chuah khawh cio i zuam hna u sih.
No comments:
Post a Comment