Covid pulrai ruang ah kum 2 chung kan tuah khawh ti lomi Canada Chin Cup cu (July 30-31, 2022) ni-hnih chung hlunghlai ngai le nuam ngai in Kitchener, ON ah kan tuah khawh țhan. Pa pumpalulh chuih zuamnak - Soccer team 5 an i zuam kho, Pa Volleyball (Team 6) le Nu Volleyball (Team 5) bengh zuamnak, hngakchia tlik zuamnak, nu hrihnuh zuamnak le pa hrihnuh zuamnak pin ah feikhawh le lungcheh zuamnak kan tuah khawh.
A zanhnih nak ah mino Stage-show kan tuah kho rih. Cun, ahlei khun in kan ilomhnak cu Kitchener ah Chin Khrifabu 3 aum mi , KCBC, KCCC, KEC nih an biakinn khar piak in Ottawa in ara mi OCBC khrifa bu dihlak he Combine Worship Service kan ngei kho hna. Rev. Johnny Țial Awi nih thawngțha a kan chimh. Men Soccer zuamnak ah Ottawa nih champion an hmuh. Nu volleyball bengh zuamnak zong ah Ottawa Team (A) nih First Prize an hmuh i pa volleyball bengh zuamnak tu ahcun Kitchener Team (A) nih First Prize an hmuh.
No comments:
Post a Comment