Tutan kan umnak Ontario Cozah thimnak cu nikum ah cozah tling cia mi Progressive Conservative (PC) nih tei cikcek in atei hna. Party 4 an i cuh i adang party 3 dihlak fonh nih an hmuh mi vialte hnak hmanh in alet khat in atei hna caah tei cikcek asi. Party min tel loin Independent in ai cuh mi pakhat nih teinak ahmuh ve. MPP țhutnak 124 um mi chungah 83 cu PC nih an hmuh i New Democratic Party - NDP nih 31 ahmuh caah NDP tu kha Official Opposition Party dirhmun asi țhan.
PC party nih biapi tuah ding an i timh mi cu Highway tampi ser chap, 401 highway zong kauh ter chap dih le Kitchener le Guelph kar hi Four Lane Highway ngan taktak sak ding an i tim. Cun Grand River Hospital le St. Mary Hospital hi alet khat ngan deuh in sak an i tim. Electric car tampi chuah khawh an i tim. Ngandamnak lei - Health kong belte ah cun zeihmanh thlen an i tim mi aum lo tluk asi, ahlan ning asi ko lai. Rianțuan hlawh kai ter ding timi zong October ah khin pia sawm-nga ( 50 cents) kan kai ter te lai an ti. Cun kumkhat ah inn 10,5000.00 kan sak chap lai i kum 10 chung ah 1.5 millions house kan sak lai an ti. PC party zong hi khua le ram sernak kong lei ahcun mipi nih an zumh ngai ko hna tinak asi.
NDP tu cu an party leader Andrea Horwath nih keimah santlaih lo asi, thimnak voi 2 kan luh pi cang hna i voi hnih ningin kan teipi hna lo caah Party Hruaitu sinak in kai din tiah thawng athanh. Hruaitu timi cu caanțha voi 2 zalong tein mipi nih nan kan pek i cu chung ah kan tlamtlin lo ahcun mithar, hmai thar hruaitu sin ah kan rian kan chanh zokzok hna awk asi" tiah achim.
No comments:
Post a Comment